अमेरिकाको ओलम्पिक जिमनास्टिक टिमका पूर्व डाक्टर ल्यारी नासरलाई यौन हिंसा तथा यौन उत्पीडनको अराोपमा १७५ वर्षको जेल सजाय सुनाइएको छ ।
अमेरिकाको एक आदालतले ल्यारीमाथि लागेका १६० यौन उत्पीडनका आरोपमा सुनुवाई गर्दै उनलाई १७५ वर्षको जेल सजाय सुनाएको हो ।
ल्यारीले न्यायाधीश समक्ष माफी माग्ने प्रयास गरेका थिए, तर न्यायाधीशले ल्यारीले बाँकी जिन्दगी अँध्यारोमै कटाउनु पर्ने भन्दै उनको माफी प्रयास खारेज गरे ।
ओलम्पिक खेलाडीसहित ल्यारीले धेरै महिलामाथि यौन हिंसा गरेको पाइएको हो । ५४ वर्षका ल्यारीलाई यसअघि नै बालबालिकोको अश्लित सामग्री बनाएको आरोपमा ६० वर्षको जेल सजाय सुनाइएको थियो ।
ल्यारीको मुद्धामा सजाय सुनाउँदै न्यायाधीश रोजमेरी अकिलिनाले भनिन् ‘सर्भाइवर महिलका कुरा सुन्दा मलाई जति सम्मानको महसुस भएको थियो त्यति नै आनन्द तपाईंलाई सजाय सुनाउँदा भएको छ । किनकी सर, तपाईं लेजको पर्खाल भन्दा बाहिर आउन लायक हुनुहुन्न ।’
सजाय सुनाउँदै न्यायाधीश अकिलिनाले भनिन् ‘भर्खरै मैले तपाईंको मृत्यु वारेन्टमा हस्ताक्षर गरेँ ।’
एक हप्तादेखि अदालतमा पीडितले आफ्नो कुरा राखेका थिए । अन्त्यमा ल्यारीले पनि आफ्नो कुरा राखे । त्यसमा उनले आफूले गरेको गल्तिबाट निकै अफसोचमा रहेको बताए ।
तर उनको माफी नामा न्यायाधीशले खारेज गरिन् । ओलम्पिकमा चार स्वर्ण जितेकी सिमोन बाइल्सले पनि ल्यारीले आफूमाथि यौन हिंसा गरेको गएको हप्ता बताएकी थिइन् ।
भर्खरै
लोकप्रिय
