यहि सिजन विश्व कीर्तिमानी मूल्यमा बार्सिलोनाबाट पेरिस सेन्ट–जर्मेन पिएसजी गएका ब्राजिलियन नेइमारले राम्रो प्रदर्शन गरिरहेका छन् । तर उनी पिएसजीबाट स्पेनिस क्लब रियल मड्रिड जान चाहेका खबर आइरहेका छन् ।
यसबिचमा पिएसजीका अध्यक्ष नासिर अल–खेलाइफीले नेइमारलाई पिएसजी छोड्नका लागि शर्त राखेको खबर आएको छ । गोलका अनुसार २५ वर्षे स्टार स्ट्राइकर नेइमारलाई रियल मड्रिड जानका लागि पिएसजीलाई च्याम्पियन्स लिग फुटबलको उपाधि दिलाउनु पर्ने शर्त अल–खेलाइफीले राखेका हुन् ।
पिएसजीमा नेइमारले २३ खेलमा २४ गोल गरिसकेका छन् । उनी कीर्तिमानी मूल्यमा पिएसजी आए पनि रियल जान चाहेको र रियलले पनि उनका लागि कीर्तिमानी मूल्य नै तिर्ने तत्परता देखाएको खबर आउने गरेका छन् ।
क्रिष्टियानो रोनाल्डोको प्रदर्शन कमजोर भइरहेका बेला नेइमार रियल आएर त्यहाँको प्रभावशाली खेलाडी बन्ने दाउमा छन् ।
यो पनि पढ्नुहोस्…
भर्खरै
लोकप्रिय
