आउँदो फेब्रअरीमा दक्षिण कोरियाको प्योङच्याङमा हुने विन्टर (शीतकालीन) ओलम्पिकमा रुसका १६९ खेलाडीले स्वतन्त्र रुपमा प्रतिस्पर्धा गर्ने भएका छन् ।
सरकारकै संलग्नतामा खेलाडीले शक्तिवर्धक औषधि प्रयोग गरेको आरोपमा अन्तर्राष्ट्रिय ओलम्पिक कमिटि (आइओसी) ले रुसमाथि विन्टर ओलम्पिकमा सहभागी हुन नपाउने गरी प्रतिबन्ध लागएको छ ।
तर रुसी खेलाडीले स्वतन्त्र रुपमा भने सहभागिता जनाउन पाउने छन् । यहि नियम अनुसार फेब्रुअरीमा हुने विन्टर ओलम्पिकका लागि १६९ रुसी खेलाडीले स्वतन्त्र रुपमा सहभागिता जनाउन पाउने भएका हुन् ।
रुसमाथि रियो ओलम्पिकमा पनि प्रतिबन्ध लागेको थियो । सन् २०१४ मा सोचीमा भएको प्रतिस्पर्धामा राज्यकै संलग्नतामा डोपिङ भएको आरोपमा रुसमाथि प्रतिबन्ध लागेको हो ।
स्वतन्त्र रुपमा प्रतिस्पर्धा गर्नका लागि पाँचसय भन्दा बढी रुसी खेलाडीले निवेदन दिएकोमा आइओसीले ३८९ जनालाई सूचिमा राखेको थियो । त्यसमध्ये १६९ जना प्रतिस्पर्धामा सहभागी हुन पाउने भएका हुन् ।
भर्खरै
लोकप्रिय
