५० जना सवार फेरी प्रशान्त महासागरमा बेपत्ता

५० जना मानिस सवार रहेको फेरी (ठूलो डुंगा) प्रशान्त महासागरमा पर्ने किरिबाटी आइल्याण्ड क्षेत्रमा हराएको छ । उद्धारकर्मीले हराएको फेरीको खोजी सुरु गरेको स्थानीय अधिकारीलाई उद्धृत गर्दै बिबिसीले जनाएको छ ।

नोनोउटी आइल्याण्डबाट बेटिओ आइल्याण्डका लागि छुटेको फेरीले यात्र पूरा गर्न २६० किलोमिटर दूरी तय गर्नुपर्ने थियो । तर फेरी बेपत्ता भएको हो ।

१८ जनवरीमा हिँडेको फेरी बिहीबार राति किरिबाटी पुग्नु पर्ने भए पनि अहिलेसम्म सम्पर्कमा नआएपछि न्युजिल्याण्ड र फिजीका उद्धारकर्मी खोजीमा जुटेको नोनोउटी आइल्याण्डका अधिकारीले बताएका छन् ।

एक आइल्याण्डबाट अर्को आइल्याण्डमा यात्रु पुर्‍याउने फेरी बेपत्ता भएको हो ।