ह्यारी र मेगनको बिहेको निम्तो : ट्रम्पलाई थाहा छैन

अमेरिकी राष्ट्रपति डोनाल्ड ट्रम्पले आउँदो मेमा हुने बेलायती राजकुमार ह्यारी र अमेरिकी अभिनेत्री मेग नमर्केलबिचको बिहेको निम्तो आए नआएको आफूलाई थाहा नरहेको बताएका छन् ।

ह्यारी र अमेरिकी अभिनेत्री मर्केलको आउँदो मे १९ मा बिहे हुँदैछ । आइटिभीसँगको अन्तर्वाताको क्रममा अमेरिकी राष्ट्रपति ट्रम्पले विवाहको निम्तोका बारेमा आफूलाई थाहा नभएको बताएका हुन् । तर उनले अन्तर्वार्ताको क्रममा ह्यारी र मेगनको जोडी राम्रो देखिएको भने बताए ।

मर्केल सन् २०१६ को राष्ट्रपति चुनावमा हिलारी क्लिन्टनको पक्षमा उभिएकी थिइन् । उनले ट्रम्पलाई विभाजनकारी र महिला विरोधी रहेको बताएकी थिइन् ।

ट्रम्पलाई अन्तर्वार्ताको क्रममा पत्रकार पिर्यस मोर्गनले विवाहमा सहभागी हुन चाहनु हुन्छकी हुँदैन ? भनेर सोधेका थिए । ट्रम्पले त्यसको जवाफमा ह्यारी र मेगन खुशी रहुन् भन्ने आफ्नो चाहना रहेको बताए ।