चेल्सीको प्रभावशाली जित

प्रभावशाली जितसहित चेल्सी एफए कप फुटबलको पाँचौँ चरणमा प्रवेश गरेको छ । एफए कप अन्तर्गत आइतबार राति भएको खेलमा चेल्सीले न्युक्यासललाई ३–० ले हराएर अघिल्लो चरणमा स्थान पक्का गरेको हो ।

घरेलु मैदानमा भएको खेलमा चेल्सीलाई जिताउन मिसी बात्सुयीले दुई तथा मार्को एलोन्सोले एक गोल गरे । बात्सुयीले पहिलो हाफमा दुई गोल गर्दै चेल्सीलाई २–० को अग्रता दिलाए ।

बात्सुयीले ३१ र ४४ औँ मिनेटमा गरी दुई गोल गरेका हुन् । यस्तै एलोन्सोले ७२ औँ मिनेटमा गोल गरेपछि चेल्सी ३–० ले विजयी भयो । जितपछि प्रशिक्षक एन्टोनिओ कोन्टेले युवा खेलाडीको प्रशंसा गरेका छन् ।