मच्छेबहालमा एक सुरक्षागार्डको हत्या

काठमाडौं – काठमाडौंको मच्छेबहालमा आइतबार राति एकजनाको हत्या भएको छ ।

सुरक्षागार्डको रुपमा कार्यरत दोलाखाको मावापौवा–२ का ५३ वर्षे तुलबहादुर तामाङको आइतबार राति नचिनेका मानिसको समूहले धारिलो हतियारले हानेर हत्या गरेको नेपाल प्रहरीका प्रवक्ता मनोज नेउपानेले जानकारी दिए ।

टाउको र शरीरको तल्लो भागमा गम्भीर चोट लागेका उनलाई उपचारका लागि ट्रमा सेन्टर लगिएको थियो । तर डाक्टरले उनलाई मृत घोषित गरे । उनको अत्याधिक रक्तश्रावका कारण ज्यान गएको हो ।

हत्यामा संलग्नको खोजी भइरहेको र अनुसन्धान चलिरहेको प्रहरी प्रवक्ता नेउपानेले जानकारी दिए । दनुवारलाई असन र इन्द्रचोकको बिचमा रहेको इष्टवेष्ट सेक्युरिटीजमा ड्युटीमै रहेका बेला आक्रमण भएको हो ।