ललितपुर— फूल्चोकीमा हिउँ खेलेर फर्किने क्रममा एक साताअघि हराएका ललितपुरकाे एक विद्यालयका १७ वर्षीय किशोर जाेन तामाङ बुधबार सकुशल भेटिएपछि ग्वार्कोस्थित बी एन्ड बी अस्पतालमा उनको उपचार भइरहेको छ।
माउन्टेनियरिङ क्षेेत्रमा काम गर्ने किशोरका आफन्तले उनको उद्धार गरेका थिए।
सातदाेबाटाे प्रहरी वृत्तका प्रमुख विनाेद सिलवालजाेनकाे अवस्था खतरामुक्त रहे पनि बीएनबीमा इमर्जेन्सीमा राखेर उपचार भइरहेकाे जानकारी दिए। उनले भने- उनकाे शरीरमा कतै चाेट छैन। अवस्था खतरामुक्त छ। तर धेरै समयपछि जगलमा भेटिएकाले इमर्जेन्सीमा राखेर उपचार भइरहेकाे छ।
ललितपुरको थसिखेलस्थित अजय शिशू सदनमा कक्षा ६ मा अध्ययनरत जाेन गत बिहीबार फुल्चोकीमा हिउँ हेरेर फर्किँदा हराएका थिए। विद्यालयका प्रिन्सिपलसहित ५ र ६ का ११ विद्यार्थी हिउँ हेर्न गएका थिए। विद्यालयका प्रिन्सिपल दुर्गाबहादुर ओली प्रहरी नियन्त्रणमा छन्।
भर्खरै
लोकप्रिय
