अमेरिकाको ओलम्पिक जिमनास्टिक टिमका पूर्व डाक्टर ल्यारी नासरबाट २६५ जना महिलामाथि यौन हिंसा तथा यौन उत्पीडनको शिकार बनेको खुलेको छ ।

मिसिगनको अदालतका एक न्यायाधीशले अहिलेसम्म नासरबाट यौन हिंसामा पर्ने २६५ महिनाको पहिचान भएको बताएका हुन् ।

कम्तिमा ६५ जना पीडितले यो हप्ता अदालतमा बयान दिने तयारी गरेका छन् । गएको हप्ता ५४ वर्षका नासरमाथि ४० देखि १७५ वर्षसम्मको जेल सजाय सुनाइएको थियो । झण्डै १६० महिनासँगको बयानपछि उनीमाथि यो सजाय सुनाइएको हो ।

नासरले न्यायाधीश समक्ष माफी माग्ने प्रयास गरेका थिए, तर न्यायाधीशले ल्यारीले बाँकी जिन्दगी अँध्यारोमै कटाउनु पर्ने भन्दै उनको माफी प्रयास खारेज गरे ।

ओलम्पिक खेलाडीसहित ल्यारीले धेरै महिलामाथि यौन हिंसा गरेको पाइएको हो । ५४ वर्षका ल्यारीलाई यसअघि नै बालबालिकोको अश्लित सामग्री बनाएको आरोपमा ६० वर्षको जेल सजाय सुनाइएको थियो ।

ल्यारीको मुद्धामा सजाय सुनाउँदै न्यायाधीश रोजमेरी अकिलिनाले भनेकी थिइन् ‘सर्भाइवर महिलका कुरा सुन्दा मलाई जति सम्मानको महसुस भएको थियो त्यति नै आनन्द तपाईंलाई सजाय सुनाउँदा भएको छ । किनकी सर, तपाईं लेजको पर्खाल भन्दा बाहिर आउन लायक हुनुहुन्न ।’

सजाय सुनाउँदै न्यायाधीश अकिलिनाले भनेकी थिइन् ‘भर्खरै मैले तपाईंको मृत्यु वारेन्टमा हस्ताक्षर गरेँ ।’

न्यायाधीशले भनिन्–मैले तपाईंको मृत्यु वारेन्टमा हस्ताक्षर गरेँ

नासरको यौन उत्पीडनमा परेका मध्ये एकजना १३ वर्ष भन्दा कम उमेरको रहेको र अरु दुई किशोरी १५ वा १६ वर्षका रहेको पनि खुलेको छ ।