इंग्लिस प्रिमियर लिग फुटबल अन्तर्गत शनिबार राति भएको खेलमा आर्सनलले शानदार जित दर्ता गरेको छ । घरेलु मैदानमा भएको खेलमा आर्सेन वेङ्गरको टिम आर्सनलले एभर्टनलाई ५–१ ले हराएको हो ।
विन्टर विण्डोमा आर्सनल आएका पिएर एमरिकले आर्सनलबाट डेब्यु खेलमा गोल गरे । यस्तै आरोन रामसीले पहिलो ह्याट्रिक गरे । यस्तै लोरेन्ट कोसिएल्नीले आर्सनलका लागि थप एक गोल गरे । एभर्टनका लागि क्लाभर्ट लेविनले एक गोल फर्काए ।
रामसीले ६, १९ र ७४ औँ मिनेटमा गोल गरी ह्याट्रिक पूरा गरे । त्यसअघि कोसिएल्नीले १४ औँ मिनेटमा गोल गरे भने एमरिकले ३७ औँ मिनेटमा गोल गरे ।
एभर्टनका लागि ६४ औँ मिनेटमा लेविनले गोल गरेका हुन् । जितपछि छैटौँ स्थानको आर्सनलको २६ खेलबाट ४५ अंक भएको छ । अर्को खेलमा ब्राइटनले वेष्ट ह्यामलाई ३–१ ले हरायो । यस्तै लेस्टर सिटी र स्वान्सी सिटीले १–१ को बराबरी खेल्दै अंक बाँडेका छन् । 
भर्खरै
लोकप्रिय
