घुस लिँदै गरेका प्रहरी जवान पक्राउ

जनकपुरधाम-जनकपुरमा एक जना प्रहरी घुस लिइ रहेको बेला रंगेहात पक्राउ परेका छन्। अख्तियार दुरुपयोग अनुसन्धान आयोगले प्रहरी जवान मनोज कुमार प्रसैलाललाई पक्राउ गरेको छ।

अख्तियार दुरुपयोग अनुसन्धान आयोगको कार्यालय बर्दिबासबाट खटेको टोलीले १० हजार रुपैयाँ घुस सहित धनुषाको लक्ष्मीनिया अस्थायी प्रहरी चोकीका घुमुवा प्रहरी जवान प्रशैलालाई पक्राउ गरेको हो।

प्रसैलाले आईतवार साँझ जनकपुरको भ्रमरपुरा चोकमा रक्सी विक्रि वितरण गर्ने लाईसेन्स बनाई दिन्छु भन्दै एक स्थानीयबाट १० हजार घुस मागेका थिए।

आयोगले प्रहरी जवान प्रशैलालाई पक्राउ गरि थप अनुसन्धान गरिरहेको जनाएको छ। सुनसरी जिल्लाको श्रीपुर घर भएका प्रहरी जवान प्रशैला लक्ष्मीनिया प्रहरी चोकीमा कार्यरत छन्।