काठमाडौँ- बलात्कार घटनालाई मिलापत्र गराएको आरोपमा सुनसरीका एसपी र इन्सपेक्टर निलम्बित भएका छन्।
प्रहरी प्रधान कार्यालयले सुनसरीका एसपी बिद्यानन्द माझी र इन्स्पेक्टर चिरञ्जिवी दाहाललाई निलम्बनका लागि मंगलबार गृह मन्त्रालयमा पत्राचार गरेको थियो। सोही पत्राचारपछि गृहले बुधबार उनीहरु दुईलाई निलम्बन गरेको हो।
छानबिनका क्रममा एसपी र इन्स्पेक्टरले गम्भीर मुद्दामा नियतबश मिलापत्र गरेको खुलेपछि निलम्बन गर्न सिफारिस गरिएको थियो।
गत पुस १६ गते इटहरीमा भएको एक बलात्कार घटनामा इप्रका इटहरीले जाहेरी नलिई मिलापत्र गराएको थियो। इप्रका इन्चार्ज दाहालले एसपी माझिसँग आदेशमा मिलापत्र गराएका थिए। त्यसवापत लाखौं रकमको चलखेल भएको छानबिनमा खुलेपछि अनुसन्धान थालिएको थियो।
छानबिनका क्रममा एसपी र इन्सपेक्टरले गम्भीर मुद्दामा नियतबश मिलापत्र गरेकाे प्रहरीकाे प्रारम्भिक अनुसन्धानबाट खुलेकाे छ।
यो पनि पढ्नुहोस
बालिका बलात्कार गर्नेलाई १० वर्षको कैद सजाय
भर्खरै
लोकप्रिय
