काठमाडौं – आइसिसी वर्ल्ड क्रिकेट लिग डिभिजन टू प्रतियोगिता बिहीबारदेखि नामिबियामा सुरु हुँदैछ । नेपालसहित ६ देशको सहभागिता रहेको प्रतियोगितामा नेपालले आफ्नो पहिलो खेलमा बिहीबार घरेलु टोली नामिबियासँग प्रतिस्पर्धा गर्दैछ ।
खेल नेपाली समय अनुसार दिउँसो सवा १ बजे नामिबियाको विन्डहोकमा सुरु हुनेछ । प्रतियोगितामा नेपालसहित क्यानडा, ओमान, केन्या, युएई र नामिबियाले प्रतिस्पर्धा गर्दैछन् ।
राउन्ड रोबिन लिगका आधारमा सन्चालन हुने प्रतियोगितामा शीर्ष दुई टोली आउँदो वर्ष हुने एक दिवशीय विश्वकप क्रक्रिकेट छनौट खेलका लागि छानिने छन् ।
केन्या, युएई, नामिबिया र नेपाल वर्ल्ड क्रिकेट लिग च्याम्पियनसिपमा कमजोर प्रदर्शनपछि तल झरेका हुन् । १० टोली सहभागी हुने विश्वस्तरको छनौटबाट दुई टोली विश्वकपमा छनौट हुनेछन् ।
विश्वस्तरको छनौटमा सहभागी हुने ६ एसोसिएट टोलीमध्ये नेदरल्यान्ड्ससहित चार टोलीले चार वर्षका लागि एकदिवशीय अन्तर्राष्ट्रियको मान्यता पाउनेछन् । त्यसैले डिभिजन टू सबै ६ टोलीका लागि महत्वपूर्ण छ ।
नेपालले शुक्रबार ओमान, फेब्रुअरी ११ मा युएई, फेब्रुअरी १२ मा केन्या तथा फेब्रुअरी १४ मा क्यानडासँग प्रतिस्पर्धा गर्नेछ ।
नेपाल र नामिबियाबिचको खेल इन्टरनेटको सुविधा हुनेले प्रत्यक्ष प्रशारण हेर्न पनि पाउने छन् । खेल सुरु भएपछि क्रिकेट नामिबियाको आधारिकारिक फेसबुक पेजमा खेलको प्रत्यक्ष प्रशारण हुनेछ ।
भर्खरै
लोकप्रिय
