तेस्रो एक दिवसीय क्रिकेटमा भारतले घरेलु टोली दक्षिण अफ्रिकालाई १२४ रनले हराएको छ । केपटाउनमा बुधबार बेलुका भएको खेलमा भारतले जित निकाल्दै ६ एक दिवसीय क्रिकेट शृङ्खलामा ३–० को अग्रता लिएको छ ।
भारतले यसअघिका दुई खेलमा जित निकालेको थियो । बुधबार बेलुका भएको खेलमा भारतलाई जिताउन कप्तान विराट कोहलीको शानदार भूमिका रह्यो ।
पहिले ब्याटिङ गरेको भारतले निर्धारित ओभरमा ६ विकेटको क्षतिमा ३०३ रन बनायो । कप्तान कोहलीले १५९ बलमा १२ चौका र दुई छक्काको मद्दतमा नटआउट १६० रन बनाए । यस्तै शिखर धवनले ६३ बलमा १२ चौकाको मद्दतमा ७६ रनको योगदान दिए ।
दक्षिण अफ्रिकाका जेपी डुमिनीले दुई विकेट लिए । ३०४ रनको लक्ष्य पछ्याएको दक्षिण अफ्रिका ४० ओभरमा सबै विकेट गुमाएर १७९ रनमा समेटियो ।
उसका लागि जेपी डुमिनीले ५१ तथा एके माक्र्रामले ३२ रनको योगदान दिए । भारतका युजवेन्द्र चहल र कुलदीप यादवले समान चार चार विकेट लिए । यस्तै जसप्रित बुमराहले दुई विकेट लिए ।
सम्बन्धित समाचार
भर्खरै
लोकप्रिय
