विश्व कीर्तिमानी मूल्यमा यहि सिजन बार्सिलोनाबाट फ्रेन्च लिग वान क्लब पेरिस सेन्ट–जर्मेन (पिएसजी) गएका नेइमार रियल मड्रिड आउन चाहेको खबर आइरहेका छन् ।
रियल मड्रिड पनि नेइमारलाई ल्याउन लागि परेको खबर छ । यहिबिचमा रियल मड्रिड तथा ब्राजिलका पूर्व खेलाडी रोनाल्डोले नेइमारलाई अनुबन्ध गर्न रियल मड्रिडलाई सुझाव दिएका छन् ।
नेइमार विश्वको उत्कृष्ट खेलाडी बन्ने क्षमता रहेकाले रियल मड्रिडले उनलाई अनुबन्ध गर्न ढिलाई गर्न नहुने रोनाल्डोको भनाई छ । ४१ वर्षे ब्राजिलियन आइकन रोनाल्डोले एक सिजन बार्सिलोनामा पनि बिताएका थिए । उनले बार्सिलोनामा ३७ खेलमा ३४ गोल गरेका थिए ।
यस्तै उनी इन्टर मिलान गए, त्यसपछि फेरि रियल मड्रिडमा फर्किए । नेइमारले पिएसजीबाट अहिलेसम्म २६ खेलमा २७ गोल गरेका छन् । रोनाल्डोले रियल मड्रिडले उनलाई अनुबन्ध गर्नु पर्ने बताए ।
नेइमार अहिले विश्व फुटबलको उत्कृष्ट खेलाडी बन्ने बाटोमा रहेको उनको भनाई छ । स्पेनिस पत्रिका मार्काका अनुसार रोनाल्डोले भनेका छन्, ‘नेइमार उत्कृष्ट खेलाडी हुन्, उनी केही वर्षमै विश्वको सर्वोत्कृष्ट खेलाडी बन्ने छन् र रियल मड्रिडमा सर्वोत्कृष्ट खेलाडी हुनुपर्छ ।’
भर्खरै
लोकप्रिय
