प्रदेश संसदीय दलको विधान पारित गर्दै कांग्रेस बैठक सकियो

काठमाडौं – प्रदेशसभा संसदीय दलको विधान पारित गर्दै नेपाली कांग्रेसको केन्द्रीय कार्यसमितिको बैठक सकिएको छ । शुक्रबार बिहान प्रधानमन्त्री निवास बालुवाटारमा बसेको आकस्मिक बैठकले प्रदेश संसदीय दलको विधानलाई स्वीकृत गरेको हो ।

नेता मीनेन्द्र रिजालका संयोजकत्वमा गठित कार्यदलले तयार पारेको विधानलाई केही सुझावसहित पारित गरिएको केन्द्रीय सदस्य बद्री पाण्डेले जानकारी  दिए ।

रिजालले पेश गरेको प्रस्तावमा गगन थापा, चीनकाजी श्रेष्ठ, मानबहादुर विश्वकर्मालगायतले सुझाव दिएका थिए । प्रदेशसभाको बैठक सुरु भइसकेकाले कांग्रेसले प्रदेशसभाको विधान आस्मिक बैठक बोलाएर पारित गरेको हो ।