काठमाडौं – प्रदेश नम्बर ३ को प्रदेशसभाको सभामुख एमाले पोलिट्ब्युरो सदस्य तथा प्रदेशसभा सदस्य सानुकुमार श्रेष्ठ हुने भएका छन् ।
काठमाडौंका श्रेष्ठलाई प्रदेशसभाको सभामुख बनाउने निर्णय भएको एमाले नेतृत्वले जानकारी दिएको छ । श्रेष्ठ २०५४ सालमा जिल्ला विकास समिति काठमाडौंको सभापति पनि भएका थिए । उनी एमाले अध्यक्ष केपी ओली गुटकै नेता हुन् ।
श्रेष्ठ प्रदेशसभा चुनावमा काठमाडौं क्षेत्र नम्बर २ ‘क’ बाट विजयी भएका हुन् । वाम गठबन्धमा भएको सहमति अनुसार उपसभामुख एकीकृत माओवादीले पाउने छ ।
माओवादीले यसअघि नै राधिका तामाङलाई उपसभामुखको रुपमा प्रस्तुत गरेको छ । प्रदेश नम्बर ३ मा एमाले मुख्यमन्त्रीसहित सभामुख पाउने सहमति भएको थियो ।
एमाले संसदीय दलको नेतामा विजयी भएको डोरमणि पौडेल प्रदेश नम्बर ३ को मुख्यमन्त्री बन्ने छन् । पौडेल पनि ओली खेमाकै हुन् । उनले नेता माधव नेपाल खेमाकी अष्टलक्ष्मी शाक्यालाई पराजित गरेका हुन् ।
सम्बन्धित समाचार
भर्खरै
लोकप्रिय
