काठमाडौं – नेकपा एमालेले समानुपातिक निर्वाचन प्रणाली अन्तर्गत प्रतिनिधिसभामा आफ्नो पार्टीले पाउने सांसदको नामावली आइतबार टुंग्याउँदैछ ।
समानुपातिकबाट प्रतिनिधित्व गर्ने सांसदको नाम टुंगो लगाउन एमाले स्थायी समितिको बैठक पार्टी मुख्यालय धुम्बाराहीमा बस्दैछ । बैठकले समानुपातिक प्रतिनिधित्वका लागि निर्वाचन ऐन अनुसार नाम टुंगो लगाई निर्वाचन आयोगलाई सूचि बुझाउने एमाले महासचिव ईश्वर पोखरेलले बताए ।
शीर्ष नेताको व्यस्थतताका कारण शनिबार आह्वान गरिए पनि बस्न सकेको थिएन । पोखरेलका अनुसार आयोगले दिएको समयआवधी भित्रै उम्मेदवार सूचिको टुंगो लगाउने तयारी एमालेले गरेको हो ।
आयोगले संवैधानिक व्यवस्था अनुसार समावेशी सिद्धान्तका आधारमा समानुपातिक उम्मेदवारको टुंगो लगाउन एमाले लगायत दललाई मंगलबारसम्म अन्तिम समय दिएको छ । बैठक वाम एकताको बारेमा पनि छलफल हुने बुझिएको छ ।
भर्खरै
लोकप्रिय
