म्यानचेस्टर युनाइटेडका प्रशिक्षक जोसे मोरिन्होले आफूले खेलको क्रममा टचलाइनमा गर्ने व्यवहार निकै राम्रो रहेको र त्यसका लागि आफूले अवार्ड पाउनु पर्ने उनले बताएका छन् ।
पोर्चुगिज मोरिन्होले आफ्नो प्रशिक्षकको करिअरको क्रममा अहिलेसम्म धेरै पटक टचलाइनमा गरेको व्यवहारका कारण उनलाई जरिवाना तिराइएको छ भने धेरैपटक टचलाइन प्रतिबन्ध पनि लागेको छ ।
उनले धेरै फोर्थ अफिसियलसँग विवाद पनि गरेका छन् । तर मोरिन्होले भने पछिल्लो समय आफू परिवर्तन भएको बताए । अहिले आफू प्रिमियर लिगमा राम्रो व्यवहार गर्ने प्रशिक्षक मध्येमा पर्ने उनले बताए ।
उनले भने ‘म यो सिजन टचलाइनमा राम्रो व्यवहार गर्ने प्रशिक्षकको अवार्ड जित्नका लागि प्रतिबद्ध रहेको छु । मैले आफैलाई तयार गरेको छु । गम्भीर छु । र खुशी पनि । खेलको क्रममा टेम्बर गुमाउन चाहन्न ।
आफूलाई नियन्त्रित गरेको छु । तर म पूर्ण छैन । हुँदा हुँदै पनि राम्रो व्यवहार गर्ने प्रशिक्षकको अवार्ड सिर्जना गर्नु पर्छ जस्तो लाग्छ र त्यो मैले नै पाउँछु कि ।’
भर्खरै
लोकप्रिय
