अमेरिकाको न्युयोर्कमा कानूनी अधिकारीले हलिवुड चलचित्र निमार्ता हार्वी वाइन्स्टिनको कम्पनी विरुद्ध मुद्दा दर्ता गरेका छन् ।
यौनहिंसाको आरोपमा अनुसन्धानको घेरामा आएका वाइन्स्टिनसहित अहिले आएर उनको द वाइन्स्टिन कम्पनी विरुद्ध पनि मुद्दा दर्ता भएको हो । स्टुडियोले कर्मचारी तथा अभिनेत्रीलाई वाइन्स्टिनबाट जोगाउन नसकेको आरोप लगाउँदै मुद्दा दायर गरिएको हो ।
वाइन्स्टिनमाथि बलात्कारसँगै यौन उत्पीडनका आरोप लागेका छन् । तर उनले अस्वीकार गर्दै आएका छन् । उनले आफूले सहमति बिना कसैसँग पनि यौन सम्बन्ध कायम नगरेको बताउँदै आएका छन् ।
तर न्युयोर्कका न्यायाधीवक्ताले चार महिना लगाएर गरेको अनुसन्धानपछि वाइन्स्टिन कम्पनी विरुद्ध मुद्दा दायर गरिएको हो ।
न्युयोर्कका न्यायाधीवक्ता एरिक स्नाइडरम्यानले वाइन्स्टिन कम्पनी, वाइन्स्टिन र उनको भाइ रोबर्ट विरुद्ध आइतबार मुद्दा दायर गरेको जानकारी दिएका छन् ।
भर्खरै
लोकप्रिय
