मोरङ- प्रदेश नम्बर एकको सभामुखमा सुनसरी धरान निवासी प्रदीप कुमार भण्डारी निर्विरोध निर्वाचित भएका छन्। विराटनगरको देवकोटा चौकस्थित संसद भवनमा सोमबार बसेको पहिलो चरणको बैठकमा ६२ वर्षीय भण्डारीलाई सभामुखमा निर्विरोध चयन गरिएको हो।
सभामुख भण्डारीका लागि संखुवासभाको २ बाट निर्वाचित तुलसी न्यौपानेले प्रस्वात गरेका थिए। एकल रुपमा टेबल भएको उक्त प्रस्तावमा तेह्रथुपका सांसद लक्ष्मण तिवारीले समर्थन गरेका थिए।
बैठकका क्रममा जेष्ठ सभामुख ओमप्र्रकाश सरावगीले भण्डारीलाई बधाई तथा शुभकामना दिए। त्यसपछि सभामुख सरावगीले अपरान्ह ४ बजेको लागि अर्को बैठक डाकेछन्।
बैठकपछि आजै सभामुख भण्डारीलाई प्रदेश प्रमुख गोविन्द सुब्बाले पद तथा गोपनियताको सपथ ग्रहण गराउने कार्यक्रम रहेको छ। त्यसपछि, नवनियुक्त भण्डारीको पदवहाली गराउने संसद सचिवालयले जनाएको छ।
प्रदेश नम्बर एकको दोश्रो बैठक सोमबार आज विराटनगरस्थित जिल्ला समन्वय समितिको भवनमा बस्दैछ। दिउँसो १ बजे बस्ने बैठकले सभामुखको चयन गर्ने संसदीय सचिवालयले जनाएको छ।
संविधानको धारार १८२ को उपधारा १ अनुसार प्रदेश सभाको पहिलो बैठक भएको मितिबाट १५ दिनभित्र सभामुख र उप-सभामुखको निर्वाचन गरिसक्नु पर्ने प्रावधान रहेको छ।
सम्बन्धित समाचार
३ नम्बर प्रदेशको सभामुखमा सानुकुमार श्रेष्ठ निर्विरोध
भर्खरै
लोकप्रिय
