अ
+
अ
अ
-
विराटनगर- उपसभामुखको चयनका लागि फागुन ३ गतेको मिति तय गर्दै प्रदेश नम्बर एकको प्रदेशसभा बैठक सोमबार सम्पन्न भएको छ।
विराटनगरस्थित संसद भवनमा बसेको दोस्रो चरणको बैठकका क्रममा नवनिर्वाचित सभामुख प्रदीपकुमार भण्डारीले उपसभामुखको मिति र प्रदेशसभा सचिवमा केदारप्रसाद पनेरुलाई अख्तियारी दिदैं बैठक सम्पन्न गरेका हुन्।
बैठकले उपसभामुखको मनोनयन दर्ताका लागि २ गतेको मिति तय गरेको छ। उपसभामुखका लागि माओवादी केन्द्रबाट सरस्वतीकुमारी पोखरेल र उमिता विश्वकर्माको आकांक्षा छ।
यसअघि दिउँसो बसेको बैठकमा जेष्ठ सभामुख ओमप्रकाश सरावगीले एमालेका प्रदेशसभा सदस्य प्रदीपकुमार भण्डारीलाई निर्विरोध सभामुखमा निर्वाचित भएको जानकारी दिएका थिए।
त्यसपछि, भण्डारीलाई प्रदेश प्रमुख गोविन्द सुब्बाले पद तथा गोपनीयताको सपथ गराएका थिए।
भर्खरै
लोकप्रिय
