च्याम्पियन्स लिग फुटबल अन्तर्गत अन्तिम १६ को पहिलो लेगमा इंग्लिस क्लब म्यानचेस्टर सिटीले प्रभावशाली जित दर्ता गरेको छ ।
अवे मैदानमा मंगलबार राति भएको खेलमा पेप गार्डिवलाको टिम म्यानचेस्टर सिटीले स्वीस फुटबल क्लब एफसी बासेललाई ४–० ले हराएको हो ।
इंग्लिस प्रिमियर लिगमा प्रभावशाली प्रदर्शन गर्दै उपाधि होडमा आफूलाई बलियो रुपमा उभ्याएको म्यानचेस्टर सिटीले बासेललाई उसकै मैदानमा स्तब्ध पारेको हो ।
म्यानचेस्टर सिटीको जितमा एलकेयी गुण्डोगानले दुई तथा बेर्नार्डो सिल्भा र सर्जियो अग्युरोले एक एक गोल गरे । सिटीले पहिलो हाफमा तीन तथा दोस्रो हाफमा एक गोल गरेको हो ।
१४ औँ मिनेटमा गुण्डोगानले गोल गर्दै सिटीलाई अग्रता दिलाए । त्यसको चार मिनेटपछि सिल्भाले गोल गर्दै अग्रता दोब्बर पारे । २३ औँ मिनेटमा अग्युरोले गोल गरेपछि गार्डिवलाको टिमले पहिलो हाफमा ३–० को अग्रता लियो ।
यस्तै ५३ औँ मिनेटमा गुण्डोगानले व्यक्तिगत दोस्रो गोल गर्दै सिटीलाई पहिलो लेगमा ४–० को शानदार जित दिलाए । यो खेलमा एक गोल गरेका सर्जियो अग्युरोले सिटीबाट सिजनको २९ औँ तथा समग्रमा १९८ औँ गोल छन् । दोस्रो लेग आउँदो मार्च ७ मा सिटीको मैदानमा हुनेछ ।
भर्खरै
लोकप्रिय
