अ
+
अ
अ
-
ललितपुर- एमाले स्थायी समिति बैठकले केपी ओली र पुष्पकमल दाहालबीच भएको छबुँदे सहमति अनुमोदन गर्दै केपी ओलीलाई प्रधानमन्त्रीका रुपमा अघि सार्ने निर्णय गरेको छ। एमाले स्थायी समिति बैठकपछि अहिले एमाले अध्यक्ष केपी ओली र माओवादी अध्यक्ष पुष्पकमल दाहालबीच छलफल हुने भएको छ।
उनीहरुबीच छलफल सकिएपछि एकता संयोजन समितिको बैठक बस्नेछ।
एमाले स्थायी समिति बैठकमा एमाले र माओवादीबीच आलोपालो प्रधानमन्त्री बन्ने सहमति एमाले स्थायी समिति सदस्य सुरेन्द्र पाण्डेले सञ्चारकर्मीहरुलाई जानकारी दिए। आजै एकताका सबै विषय टुंग्याउने गरी छलफल चलिरहेको छ।
एकता संयोजन समितिको बैठकका लागि अहिले एमाले र माओवादीका सबै शीर्ष नेता मानभवनको एउटा घरमा भेला भएका छन्।
भर्खरै
लोकप्रिय
