नेपालगञ्ज – मिस नेपाल निकिता चाण्डकले महिला भलिबल प्रतियोगितासँग जोडिन पाउदा खुशी लागेको बताएकी छन्। मिस नेपाल चाण्डकले महिला विकास र सशक्तिकरणका लागि महिला भलिबलसँग जोडिएर काम गर्न पाउनु गर्वको कुरा भएको बताइन्।
बिहीबारदेखि हुने पाँचौ प्रधानमन्त्री कप अन्तर्राष्ट्रिय महिला भलिबल प्रतियोगितामा सहभागी हुन मिस नेपाल नेपालगञ्ज आएकी हुन्।
मिस नेपाल निकिता प्रधानमन्त्री कप महिला भलिबलको सद्भावना दुत हुन्। प्रतियोगिताको प्रवद्र्धन गर्न निकितासँगै मिस नेपालको आयोजक हिडेन ट्रेजरका प्रमोटर एवम् मिस नेपाल इभेन्टका निर्देशक शैलेन्द्र क्षेत्री नेपालगञ्जमा आएका छन्।
महिला भलिबल प्रतियोगिताको सद्भावना दूतको रुपमा निकिताले प्रधानमन्त्री कप महिला भलिबलको विकास, प्रवर्दनमा सहयोग गर्ने बताइन्।
प्रणय दिवसमा नेपालगञ्ज आएकी निकिताले भलिबलसँग माया बसेको बताइन्। उनले भनिन्, ‘अहिलेसम्म मैले प्रणय दिवस मनाएको छैन। आज भलिबलसँग प्रणय दिवस मनाइरहेकी छु। यो पनि माया हो। अब भलिबलसँग म झन् निकट भएकी छु।’
सम्बन्धित समाचार
आजदेखि प्रधानमन्त्री कप अन्तर्राष्ट्रिय भलिबल: हौसला बढाउँदै कप्तानहरु
भर्खरै
लोकप्रिय
