जिम्बाब्वे -जिम्बाब्वेका पूर्वप्रधानमन्त्री मोरगेन चाङ्गिराइको बुधबार निधन भएको छ। उनी यहाँको प्रमुख प्रतिपक्षी दलको नेता पनि थिए।
स्थानीय समयानुसार बुधबार साँझ ६५ वर्षीय पूर्व प्रधानमन्त्री चाङ्गिराइको निधन भएको थियो ।
क्यान्सर रोगबाट पीडित उनको दक्षिण अफ्रिकास्थित एक अस्पतालमा उपचार भइरहेको थियो। उपचारकै क्रममा उनको निधन भएको हो । उनको निधनको जानकारी परिवारजनले दिएका छन् ।
चाङ्गिराइको निधनपछि एकजना उदाहरणीय लोकतन्त्रका योद्धालाई देशले गुमाएको सामाजिक सञ्जाल ट्वीटरमा टिप्पणीहरु आएका छन् ।
उनले स्थापना गरेको एमडीसी पार्टीले पूर्वराष्ट्रपति रोबर्ट मुगाबे सत्तामा रहेका बेला निरन्तर चुनौतीको सामाना गर्नुपरेको थियो।
मुगाबेको सत्ताको क्रममा चाङ्गिराइ र उनका समर्थकहरूले कैयौँ वर्षसम्म मुद्दा खेप्नु परेको थियो ।
नउनले पूर्व राष्ट्रपति मुगाबेविरूद्ध लामो राजनीतिक संघर्ष गर्नुपरेको थियो । सन् २००८ मा गठबन्धन सरकारमा सहभागी हुने उनको निर्णयले वर्षौँदेखिको उच्च मुद्रास्फितिपछि देशको अर्थतन्त्रलाई स्थिर बनाउन सघाएको थियो।
भर्खरै
लोकप्रिय
