च्याम्पियन्स लिग फुटबलको अन्तिम १६ को पहिलो लेगमा रियल मड्रिडसँग ३–१ ले पराजित भएको पेरिस सेन्ट–जर्मेन (पिएसजी)ं ले घरेलु लिगमा भने जितको लय छोडेको छैन ।
फ्रेन्च लिग वान फुटबल अन्तर्गत शनिबार राति भएको खेलमा पिएसजीले स्ट्रास्बोउर्गलाई ५–२ ले हराएर १२ अंकको अग्रता कायम गरेको छ । सुरुमा पछि परेको पिएसजीलाई जिताउन एडिसन काभानीले ६ मिनेटको बिच (७३ र ७९ औँ मिनेट) मा दुई गोल गरे ।
यस्तै जुलिएन ड्रेक्सलरले १० औँ मिनेटमा गोल गरे । त्यसअघि छैटौँ मिनेटमा एहोलोउको गोलबाट स्ट्रास्बोउर्गले सुरुवाति अग्रता लिएको थियो । नेइमारले २१ औँ तथा एन्जल डी मारियाले २२ औँ मिनेटमा गोल गरे ।
स्ट्रास्बोउर्गका बाहोकेनले ६७ औँ मिनेटमा गोल गरेका थिए । घरेलु मैदानमा भएको खेलमा जित निकालेसँगै पिएसजीको २६ खेलबाट ६८ अंक भएको छ । उ दोस्रो स्थानको मोनाको भन्दा १२ अंकले अघि रहेको छ ।
भर्खरै
लोकप्रिय
