काठमाडौं- पाकिस्तानका विश्व कीर्तिमानी फास्ट बलर शोएब अख्तर अब ब्रान्ड एम्बासडर बनेका छन्। पाकिस्तान क्रिकेट बाेर्ड-पीसिबीले अख्तरलाई ब्रान्ड एम्बासडर नियुक्त गरेको हो। उनी पीसिबी अध्यक्ष नजाम सेठीका क्रिकेट मामिला सल्लाहकार पनि बनेका छन्।
सेठी यसअघि पीसिबी अध्यक्ष बनेका बेला अख्तरले उनको कार्यशैलीको आलोचना गरेका थिए। सन् २०१३ मा सेठी अध्यक्ष भएका बेला अख्तरले पाकिस्तानी क्रिकेटकाे स्तर खस्कीएकाे बताएका थिए।
यसपटक सेठीकाे निर्णयकाे स्वागत गर्दै अख्तरले भनेका छन्- यस हैसियतका लागि छनोट गरिएकोमा म निकै खुसी छु। खेल्दा जुन जाेशका साथ काम गरेको थिएँ त्यसरी नै काम गर्ने छु।
अख्तरले पाकिस्तानका लागि १४ वर्ष सिनियर अन्तर्राष्ट्रिय किकेट खेलेका थिए। उनी कुनै समय सबैभन्दा तिव्र गतिमा बलिङ गर्ने बलर थिए।यसैकारण उनलाई रावलपिन्डी एक्सप्रेस भन्ने गरिन्थ्यो।
अख्तरले सन् २०११ को एकदिवशिय विश्वकपपछि अन्तर्राष्ट्रिय क्रिकेटबाट सन्याश लिएका थिए।
त्यसअघि उनले टेस्ट क्रिकेटमा ४६ खेलमा एक सय ७८ विकेट एकदिवशिय अन्तर्राष्ट्रियमा एक सय ६३ खेलमा दुई सय ४७ विकेट र टीट्वेन्टी अन्तर्राष्ट्रिय क्रिकेटमा १५ खेलमा १९ विकेट लिएका थिए।
पीसीबीको आलोचना गरेकाे अाराेपमा सन् २००८ मा उनलाई पाँच वर्षको प्रतिबन्ध लगाईएको थियो। तर अदालतले पीसिबीकाे उक्त निर्णय उल्टाएको थियो।
भर्खरै
लोकप्रिय
