युद्धग्रस्त सिरियाको पूर्वी गुटाको अवस्था थप नाजुक बन्दै गएको छ । बिद्रोहीको कब्जामा रहेको राजधानी दमासकसको बाहिरी क्षेत्रमा रहेको पूर्वी गुटामा सरकारी सुरक्षाकर्मीको आक्रमणमा २५० जना भन्दा बढी सर्वसाधारणको ज्यान गएको छ ।
पूर्वी गुटा बिद्रोहीको कब्जामा रहेको क्षेत्र हो, यहाँबाट बिद्रोहीलाई लखेट्न भन्दै सरकारी सुरक्षाकर्मीले गरिरहेको कारवाही अभियानको चपेटामा सर्वसाधारण नागरिक परेका छन् ।
सरकारी सुरक्षाकर्मीले सोमबार र मंगलबार गरेको हवाई आक्रमण तथा रकेट प्रहारका कारण ज्यान गुमाउनेमा ५० जना भन्दा बढी बालबालिका पनि रहेको मानवअधिकारवादी संस्था सिरियन अब्जरभेटरी फर ह्युमन राइट्सले बताएको बिबिसीले उल्लेख गरेको छ ।
हवाई आक्रमण तथा रकेट प्रहारका कारण त्यस क्षेत्रको अवस्था नियन्त्रण बाहिर पुगेको संयुक्त राष्ट्रसंघका अधिकारीले बताएका छन् । राष्ट्रसंघले अवस्था तत्काल नियन्त्रणमा ल्याउन माग गरेको छ ।
पूर्वी गुटामा चार लाख भन्दा बढी नागरिकको बसोबास रहेको क्षेत्र हो । यो क्षेत्र सन् २०१३ देखि बिद्रोहीको कब्जामा छ ।
सम्बन्धित समाचार
भर्खरै
लोकप्रिय
