सिरियामा चलिरहेको युद्ध रोक्ने उद्देश्यले प्रस्ताव गरिएको ३० दिने युद्ध विराममा संयुक्ता राष्ट्रसंघमा सहमति बनेको छ । संयुक्त राष्ट्रसंघ सुरक्षा परिषद बैठकमा ३० दिने युद्ध विराम प्रस्तावमा सहमति जुटेको हो ।
यो प्रस्ताव सर्वसम्मत रुपमा पारित भएको हो । सुरक्षा परिषदका सबै १५ सदस्य राष्ट्रले प्रभावित क्षेत्रमा मानवीय सहायता सामग्री तथा अत्यावश्यक स्वास्थ्य सेवा उपलब्ध गराउने बाटोको रुपमा रहेको युद्ध विरामको पक्षमा मत दिएका हुन् ।
यो हप्ताको सुरुदेखि सिरिया सरकारले राजधानी दमासकसको बाहिरी क्षेत्रमा रहेको बिद्रोहीको कब्जामा रहेको पूर्वी गुटामा कारवाही अभियान चलाएको छ ।
सिरिया सरकारले गुटामा भइरहेको आक्रमण बिद्रोही लक्षित रहेको दाबी गरेको छ । तर मर्कामा सर्वसाधारण नागरिक परेका छन् ।
सरकारी सेनाले गरेको हवाई तथा रकेट आक्रमणका कारण अहिलेसम्म पाँच सय भन्दा बढी सर्वसाधारण नागरिकको ज्यान गएको छ । पूर्वी गुटामा सरकारी सेनाले सुरु गरेको कारवाही अभियानका क्रममा सर्वासाधारण नागरिक मर्कामा परेपछि सुरक्षा परिषदले युद्ध विरामको प्रस्ताव ल्याएको हो ।
सन् २०१३ देखि बिद्रोहीको कब्जामा रहेको र अहिले सरकारी सेनाको हवाई तथा रकेट आक्रमणको चपेटामा परेको पूर्वी गुटामा खाद्यान्नको चरम अभाव छ ।
तर युद्ध विरामको पक्षमा मत आएपछि पनि आक्रमण नरोकिएको पूर्वी गुटामा रहेका अधिकारकर्मीलाई उद्धृत गर्दै बिबिसीले जनाएको छ । बिहीबार प्रस्तुत भएको युद्ध विराम प्रस्तावमा लामो छलफल भएपछि सहमति जुटेको हो ।
सुरुमा रुसले यो प्रस्ताव मान्न अस्वीकार गरेको थियो । रुसले सिरियाली सेनालई समर्थन र सहयोग गर्दै आएको छ । तर अहिले आएर रुसले पनि सहमति जनाएको छ ।
सम्बन्धित समाचार
सिरिया युद्ध : पूर्वी गुटाको अवस्था नाजुक, सुरक्षाकर्मीको आक्रमणमा २५० जनाको मृत्यु
भर्खरै
लोकप्रिय
