काठमाडौं- सर्वोच्च अदाललते राष्ट्रियसभामा मनोनित तीनजनालाई शपथ ग्रहण नगराउन अन्तरकालीन आदेश दिएको छ।
शुक्रबार शेरबहादुर देउवा नेतृत्वको सरकारले सिफारिस गरेर केपी ओली नेतृत्वको सरकारले नाम फिर्ता लिएका गोपाल बस्नेत, चाँदनी जोशी र कृष्ण पौडेलले दायर गरेको रिटको सुनुवाई गर्दै शपप ग्रहण रोक्न आदेश दिएको हो।
फागुन २० गते संघीय संसदका सदस्यको शपथ ग्रहण तोकिए पनि त्यसै दिन छलफलका लागि उपस्थिति हुन न्यायाधीश प्रकाशमान सिंह राउतको एकल इजलाशले आदेश दिएको हो।
सर्वोच्चको आदेशमा भनिएको, ‘संघीय संसदको सूचना बमोजिम २०७० फागुन २० को शपथ कार्यक्रममा राष्ट्रियसभाको सदस्यमा मनोनित डा. युवराज खतिवडा, रामनारायण बिडारी र विमला पौडेललाई माननीय सदस्यहको हैसियतमा शपथ ग्रहण नगर्नु नगराउनु।’
माघ २६ गते देउवा नेतृत्वको सरकारले सिफारिस गरेका बस्नेत, जोशी र पौडेलको नाम फिर्ता लिएर ओली नेतृत्वको सरकारले डा. युवराज खतिवाड, विमला पौडेल र रामनारायण बिडारीलाई सिफारिस गरेको थियो।
देउवा सरकारले सिफारिस गरेका व्यक्तिको नाम झण्डै दुई हप्ता स्वीकृत नगरेकी राष्ट्रपति विद्यादेवि भण्डारीले पछिल्लो सिफारिस भने लगत्तै स्वीकृत गरेकी थिइन् । जसविरुद्ध शुक्रबार सर्वोच्चमा रिट दर्ता भएको थियो।
भर्खरै
लोकप्रिय
