अदालत भित्र चौधरीको बयान, बाहिर समर्थकको हुल

धनगढी- टीकापुर घटनाको मुख्य योजनाकार भनिएका रेशम चौधरीको जिल्ला अदालत कैलालीमा बयान चलिरहँदा अदालतबाहिर उनका समर्थकको बाक्लो उपस्थिति छ।

राष्ट्रिय जनता दलबाट प्रदेश सभामा निर्वाचित सांसद मालामती राना सहित चौधरीका समर्थकहरु अदालत परिसरमा भेला भएका हुन्।

प्रहरीले सांसद रानालाई पनि अदालत प्रवेश गर्न रोक लगाएको थियो। तर, प्रमुख जिल्ला अधिकारी गोविन्द रिजालको आदेशपछि रानालाई अदालतभित्र जान दिइएको छ।