राजधानीमा नेपाली नक्कली नोटको विगविगी

काठमाडौं- राजधानीमा नेपाली नक्कली नोटको विगविगी रहेको पाइएको छ।

प्रहरीले कारोबारमा स‌ंलग्न गिरोहलाई नै नियन्त्रणमा लिएको छ।

पक्राउ पर्नेमा अाशिष माझी,  मनोज केसी, नेमा तामाङ, भेषकुमार थापा मगर   धिरज बहादुर श्रीनेत ठकुरी छन्।

प्रहरीले सोलुखुम्बुका ३१ वर्षिय भेषकुमारको साथबाट पाँच सय दरका ३४ थान र एक हजार दरका एक थान नक्कली नोट बरामद गरेको छ।

बरामद ती नोटमध्ये धेरैको नम्बर एउटै भएकाे समेत पाईएकाे महानगरिय प्रहरी परिसर काठमाडौंले जनाएको छ।

यसको मुख्य कारोबारी नेमा भएकाे प्रहरीले जनाएको छ। नेमाले विरगन्ज पुगेर ती नोट ल्याएकाे बताएका छन्। घटना सम्बन्धमा महानगरिय प्रहरी वृत कालिमाटीले अनुसन्धान गरिरहेको छ।