विराटनगर- विराटनगरको पोखरियास्थित दुर्गाचोकमा एक व्यक्तिको शव फेला परेको जिल्ला प्रहरी कार्यालय मोरङले जनाएको छ।
मोरङ प्रहरी मुद्दा फाँटका प्रहरी निरीक्षक लक्ष्मी भण्डारीले शनिबार दिउँसो बा.१२.च ५९६३ नम्बरको स्कोर्पियो गाडीभित्र युवाको लाश भेटिएको बताए। यस विषयमा प्रहरीले अनुसन्धान जारी राखेको बताए। भण्डारीका अनुसार घटनास्थलबाट गाडीसहित अन्य तीनजनालाई अनुसन्धानका लागि प्रहरीले नियन्त्रणमा लिएको छ।
मृतकको सनाखत हुन बाँकी रहेको बताइएपनि घटनामा आपराधिक गिरोहको संलग्नता हुनसक्ने आशंका कार्यालयको छ। शव पोष्टमार्टमका लागि विराटनगरस्थित कोशी अञ्चल अस्पताल राखिएको छ।
त्यसैगरी मोरङको दुई स्थानमा शनिबार भएको सवारी दुर्घटनमामा ४ जना घाइते भएको कार्यालयले जनाएको छ। मोरङको ग्रामथान गाउँपालिकामा को.२७.प. ५३३६ नम्बरको मोटरसाइकलको ठक्करबाट गाम्रथान निवासी ४० वर्षिय भोजनलाल माझी घाइते भएका छन्।
साइकलयात्री माझी र मोटरसाइइकल चालक बुढीगंगा गाउँपालिकाका ५२ वर्षीय बद्रीप्रसाद बाह्रकोटी समेत घाइते भएका छन्।
त्यसैगरी अर्को घटनामा बेलाबरी नगरपालिकामा को.८.प. ७१९५ नम्बरको मोटरसाइकलको ठक्करबाट ८ वर्षीय बालक मिलन घिमिरे र ५ वर्षीया बालिका खुसी थापा घाइते भएका छन्। इलाका प्रहरी कार्यालय बेलबारीका अनुसार मोटरसाइकल चालक प्रहरी नियन्त्रणमा छन्।
भर्खरै
लोकप्रिय
