काठमाडौं – ह्विलचियर म्याराथन, सन्दा अचम्म लाग्ला । तर काठमाडौंमा आइतबार बिहान ह्विलचियर म्याराथन प्रतियोगिता नै भयो ।
काठमाडौंको भृकुटीमण्डपबाट सुरु भएको म्याराथन भद्रकाली, शहीदगेट, न्युरोड गेट, रानीपोखरी, घण्टाघर, पुतलिसडक हुँदै भृकुटिमण्डपमा आएर समापन भएको थियो। प्रेम बहादुर विके र यामी झाँक्री मगरले बिआइए म्याराथनको उपाधि जितेका हुन् ।
प्रतियोगितामा प्रेम पुरुष तर्फ र यामी महिलातर्फ विजेता बनेका हुन् । बिआइए फाउन्डेसनले आयोजना गरेको प्रतियोगितामा पुरुषतर्फ रमेश खत्री र पवन गुरुङ क्रमश दोस्रो र तेस्रो भए ।
महिलातर्फ रजनी राई दोस्रो र लाली तामाङ तेस्रो भए। दुवै स्पर्धाको विजेताले समान २५ हजार रुपैयाँ प्राप्त गरे । उपविजेताले १५ र तेस्रो स्थान हात पार्ने खेलाडीले १० हजार रुपैयाँ हात पारे ।
विजेतालाई वातावरण तथा जनसंख्या मन्त्री लालबाबु पण्डितले पुरस्कार वितरण गरेका हुन् ।
तस्बिरहरु-बर्षा शाह/देश सञ्चार
भर्खरै
लोकप्रिय
