काठमाडौं- नेपाल प्रहरीको केन्द्रीय अनुसन्धान ब्युरो (सिआइबी)ले नेपाल क्रेडिट एन्ड कमर्श बैंक (एनसिसी) मा छापा मारेको छ।
एनसिसी बैंकमा मर्ज भएको तत्कालिन एपेक्स डेभलपमेन्ट बैंकका अधिकारीलाई पक्राउ गरिएको सीआईबी प्रमुख पुस्कर कार्कीले जानकारी दिए। उनले यो घोटाला एनसिसीको नभएर एनसिसीमा मर्ज भएको एपेक्स डेभलपमेन्ट बैंकको बताए।
‘हामीले एनसिसीका अध्यक्षलाई जानकारी गराएर छापा मारेका हौं’,डीआईजी कार्कीले भने। तत्कालिन एपेक्स डेभलपमेन्ट बैंकमा एक अर्बभन्दा बढी घोटाला भएको विषयमा अनुसन्धान सुरु भएको उनले बताए।