सुनसरी – सुनसरीको बराहक्षेत्र नगरपालिका–११ इक्राही बस्तीमा शनिबार राति आगलागी हुँदा ६२ परिवारका ८२ वटा कर्कटपाता र फुसले छाएका घर जलेर नष्ट भएका छन् ।
प्रदेश १ नम्बर प्रहरी कार्यालय मोरङका अनुसार शनिबार बेलुका ८ बजेदेखि स्थानीय पुरण चौधरीको घरबाट आगो लागेको हो । प्रहरीका अनुसार विद्युत सर्ट भएर आगलागी हुदा“ ठूलोमात्रामा क्षति भएको छ ।
आगलागीबाट कम्तीमा ६० लाख बढीको क्षति भएको प्रारम्भिक अनुमान गरिएको वडाध्यक्ष केदार विष्टले जानकारी दिए । आगलागीबाट भएको क्षतिको पूर्ण विवरण आउन अझै समय लाग्ने पनि वडाध्यक्ष विष्टको भनाई छ ।
आगलागीका कारण प्रभावित क्षेत्रको बस्ती नै सखाप भएको छ । यस घटनामा बालबालिका पनि घाइते भएको विष्टले जानकारी दिए । घटनामा दुईवटा चौपाया जलेर मरेका छन् ।
बराहक्षेत्र नगरपालिकाका प्रमुख लिलम खनालले निकै ठूलो विपद परेकाले नगरपालिकाले तत्काल आपत्कालीन राहतका विषयमा स्थलगत निरीक्षण गरिएको जनाए । उनले भने, ‘घटना भीषण भएकाले आपतकालीन सहयोग उपलब्ध गराउन नगरपालिकाले तयारी गरिरहेको छ ।
आगलागी नियन्त्रणका लागि इटहरी, धरान, इनरुवा र राजविराजबाट पा“चवटा वारुणयन्त्र घटनास्थल पुगेका थिए । त्यसैगरी आगलागी नियन्त्रणका लागि नेपाली सेना, सशस्त्र प्रहरी र जनपथ प्रहरी एवं स्थानीय बासिन्दाले सहयोग गरेका थिए ।
आगो राति नै नियन्त्रणमा आएको जिल्ला प्रहरी कार्यालय सुनसरीका प्रहरी नायब उपरीक्षक नारायणप्रसाद चिमौरियाले बताए । आगो नियन्त्रणका क्रममा स्थानीय बासिन्दा ४१ वर्षका प्रभु सरदार घाइते भएका छन् । उनको विराटनगरस्थित नोबेल अस्पतालमा उपचार भइरहेको छ ।
भर्खरै
लोकप्रिय
