राजविराज – सप्तरीका विभिन्न ठाउँमा आगलागी हुँदा झण्डै २० लाख बराबरको क्षति भएको छ । सप्तरीको सप्तकोशी नगरपालिका–१ फत्तेपुरमा दीनानाथ रौनियारको हार्डवेयर पसलमा आगलागी भएको छ ।
शनिबार राति पसलमा कोही नभएको बेला आगलागी हुँदा १५ लाख बराबरको क्षति भएको प्रहरीले जनाएको छ ।
आगलागीबाट पसलमा राखिएको प्लाष्टिक तथा हार्डवेयरका विभिन्न सामान जलेर नष्ट भएको इलाका प्रहरीले जनाएको छ ।
ईलाका प्रहरी कार्यालय कञ्चनपुरका अनुसार आगलागी के कारणले भएको खुल्न नसकेको र विद्युत् सर्ट भएर आगलागी भएको हुनसक्ने अनुमान छ ।
स्थानीय बासिन्दा, प्रहरी तथा राजविराजबाट गएको वारुणयन्त्रको सहयोगमा आगो नियन्त्रणमा लिइएको थियो ।
त्यस्तै सप्तरीको छिन्नमस्ता गाउँपालिका–४ लालपट्टीमा स्थानीय रामपृत यादवको घरमा विद्युत सर्ट भई आगलागी हुँदा झण्डै दुई लाख बराबरको क्षति भएको जिल्ला प्रहरी कार्यालय सप्तरीले जनाएको छ ।
इता सप्तरीकै रुपनी गाउँपालिका–३ मा आगलागी हुँदा स्थानीय कमल मुखिया र छेदी मुखियाको नगदसहित एक÷एक वटा घर जल्दा दुई लाख ५० हजार बराबरको धनमाल जलेर नष्ट भएको प्रहरीले जनाएको छ ।
भर्खरै
लोकप्रिय
