काठमाडौं- प्रदेश नम्बर एकको चौथो मन्त्रीपरिषद् बैठक एजेण्डाविहीन भएपछि आइतबार बस्न सकेन्।
अस्थायी राजधानी विराटनगरस्थित मुख्यमन्त्रीको कार्यालयमा बैठक बस्ने भनिएपनि विविध कारण बैठकले स्थान नपाएको बताइएको छ।
मुख्यमन्त्री कार्यालयका अनुसार आन्तरीक तयारीको अभावमा प्रदेश नम्बर एकको मन्त्रिपरिषद् बैठक बस्न सकेन्।
त्यसैगरी, बैठक तोकिए पनि छलफलका लागि मन्त्रालयहरुबाट एजेण्डहरु नआएका कारण बैठक स्थगित गरिएको मुख्यमन्त्री निकट ध्रुव सुवेदीले जानकारी दिए।
त्यसैगरी, सुनसरीको वराह क्षेत्र नगरपालिका ११ स्थित इक्राही बस्तीमा शनिवार राती लागेको आगलागीका कारण मन्त्रालयको ध्यानत्यसर्फ केन्द्रित भएको बताइएको छ।
आगलागीका कारण उद्योग, पर्यटन, वन तथा वातावरण मन्त्री जगदीशप्रसाद कुसियत अनुपस्थित रहेका कारणपनि बैठक हुननसकेको बताइएको छ।
बैठकका लागि मुख्यमन्त्री शेरधन राई, आन्तरिक तथा कानुन मामिला मन्त्री हिक्मत कार्की, आर्थिक मामिला मन्त्री इन्द्र आङ्बो, समाजिक मामिला मन्त्री जीवन घिमिरे उपस्थित थिए।
भर्खरै
लोकप्रिय
