आउने भयो ‘काठमाडौंमा एक दिन’, आवरण सार्वजनिक

काठमाडौं – नेपालमा टेलिभिजनको सुरुवात भएको केही वर्षमै रमाइलो कार्यक्रम संचालन गरेर चर्चामा आएकी शिवानी सिंह थारु अब उपन्यास लिएर पाठकमाझ आउने भएकी छन् ।

उनको पहिलो उपन्यास ‘काठमाडौंमा एक दिन’ चैतको अन्तिममा बजारमा आउने छ । तर उपन्यासको आवरण भने सार्वजनिक भएको छ ।

प्रकाशक फाइन प्रिन्टले हेर्दा साइन्स फिक्सन चलिचत्र वा पुस्तकको कभर जस्तो देखिने उपन्यासको आवरण सोमबार ललितपुरमा विशेष कार्यक्रम गरी सार्वजनिक गरेको हो ।

उपन्यासकार थारु र प्रकाशक फाइनप्रिन्टका सिइओ नीरज भारीले आवरण सार्वजनिक गरेका हुन् । उपन्यासमा मधेस, मधेस आन्दोलन र सशस्त्र विद्रोहको विषयलाई केन्द्र बनाएको थारुले बताएकी छन् ।

आफूभित्र रहेको आक्रोशले काठमाडौंमा एक दिन लेख्न प्रेरित गरेको उनले बताइन् ।