काठमाडौं- अन्तर्राष्टिय समाज सेवा दिवसका अवसरमा विराटनगरमा विभिन्न कार्यक्रमको आयोजना गरि मनाइएको छ।
जनता आदर्श बहुमुखी क्याम्पसका विद्यार्थीले सडकमा पैदल यात्रीको सहजताका लागि जेब्रा क्रसिंगको चिन्ह बनाएका छन्।
त्यसैगरि, क्याम्पसमा अध्ययनरत विद्यार्थी, शिक्षक तथा कर्मचारीहरुले बिभिन्न नारा लेखिएको प्लेकार्ड सहित प्रभातफेरीको पनि आयोजना गरेका थिए।
अन्तराष्टिय समाज सेवा दिवसको अवसरमा पुष्पलाल चोकमा अवस्थित जनता कलेजमा अध्ययरत बिद्यार्थीहरुले विश्वविद्यालयको प्रवेशद्वार अगाडि जेब्रा क्रसिंग चिन्ह बनाएका हुन्।
यसैगरी, समाज कार्य बिषय अध्ययन गरेका बिद्यार्थीहरुलाई समाजकि संस्कारकाबारे सिकाउने र व्यवहारमा परिवर्तन ल्याउनका लागि प्रयोगात्मक भूमिका रहने क्याम्पसले जनाएको छ।
सडक दुर्घटना हुनबाट र पैदल यात्रीलाई सडक पार गर्नका लागि सहजताका लागि जेब्रा क्रसिंग बनाइएको क्याम्पसमा अध्ययनरत विद्यार्थी र्याम मगरले उल्लेख गरे। यसअघि, विभिन्न नारा लेखिएको प्लेकार्डसहित ब्यानरका साथ बिद्यार्थीहरुले पूर्वाञ्चल बिश्वबिद्यालयबाट र्याली निकालेका थिए।
बिराटनगर महानगरपालिकासंग समन्वय गरी बिभिन्न सामाजिक क्षेत्रमा सहकार्य गर्ने बिद्यार्थीहरुले जनाएका छन्।र्यालीको उद्घाटन क्याम्पस प्रमुख डा. रमेशबाबु काफ्लेले गरेका थिए।
भर्खरै
लोकप्रिय
