एजेन्सी- भारतका चर्चित कमेडियन कपिल शर्माले आजदेखि नयाँ शो ‘फ्यामिलि टाइम विथ कपिल शर्मा’ लिएर फर्किएका छन्। सोनी इन्टरटेनमेन्ट टेलिभिजनमार्फत कमेडेयिन शर्माले उक्त कार्यक्रम साँझ ८ बजे आउन लागेका हुन।
उक्त कार्यक्रममा मार्फत कपिलले बलिउडका चर्चित कलाकार, व्यक्तित्वहरुको फिल्म प्रवर्द्धन गर्नुका साथै उनीहरुको पारिवारिक पहिचान समेत देखाउने प्रयास गर्ने भारतीय सञ्चार माध्यमले जनाएका छन्।
यस्तै कपिलको नयाँ कार्यक्रमको पहिलो पाहुना अजय देवगण भएका छन्। जसमा उनले आफ्नो भर्खरैको फिल्म रेडको प्रवर्द्धन गर्नेछन्।
कमेडी नाइट्स विथ कपिल शर्मा शो बन्दको केही महिना लगत्तै उनले आफ्नो ट्विट मार्फत नयाँ शो मार्पत आउने बताएका थिए। जसले उनको फ्यानहरु निक्कै खुशी भएका छन्।
कपिलले ट्विटमार्फत नयाँ शोमा बलिउड कलाकारका सुख दुखका कहानी, रोचक प्रसंग लिएर आउन लागेको बताएका छन्। यति मात्रै नभएर कपिलको शो मा पुराना सहकर्मी किकु शारदा, चन्दन प्रभाकरका साथै नवजोतसिंह (सिद्धु पाजी) समेत सामेल हुनेछन्।
यसअघि अष्ट्रेलियाबाट भारत फर्कदा प्लेनमा भएको झगडाका कारण कपिल शर्मा र सुनिल ग्रोभरबिचको झगडा हुँदा सम्बन्धमा दरार आउँदा कमेडी नाइट्स विथ कपिल शर्मा शो’ बन्द हुन पुगेको थियो।
भर्खरै
लोकप्रिय
