काठमाडौं – प्रदर्शनरत चलचित्र ‘शत्रु गते’ ले राम्रो व्यापार गरिरहेको छ । यस्तै चलचित्र हेर्नेले पनि राम्रै प्रतिक्रिया दिइरहेका छन् ।
चलचित्रले प्रदर्शनको तीन दिनमै ३ करोड २७ लाख बराबरको कारोबार गर्न सफल भएको निर्माताले जनाएका छन् ।
प्रदर्शनको चौथो दिन सोमबार फिल्म हेर्न नेकपा एमालेक पूर्व अध्यक्ष तथा पूर्व प्रधानमन्त्री झलनाथ खनाल हलमा पुगे । राजधानीको बागबजारमा रहेको सिटी म्याक्स हलमा उनीसहित नेताहरु भीम रावल , देवेन्द्र पौडेल, ठाकुर गैरे, जीवन राम श्रेष्ठ पुगेका थिए ।
पूर्व प्रधानमन्त्री खनालले फिल्म हेर्ने इच्छा व्यक्त गरेपछि उनको सचिवालयले हलमा विशेष शोको आयोजना गरेको थियो । शत्रु गते युनिट हलमा पुगेको थियो । हरिवंश आचार्य, किरण केसी, दीपक राज गिरी, दीपाश्री निरौला र प्रदीप भट्टराई हल पुगेका थिए ।
यसैगरी सोमबार नै सदाबहार नायक भुवन केसी र उनको ब्यानरमा बन्ने फिल्म ’‘याप्टेन’ का निर्देशक दिवाकर भट्टराईले पनि फिल्म हेरेका छन् । कमलपोखरी स्थित सिटी सेन्टरमा रहेको बिग मुभिजमा भुवन र दिवाकरले फिल्म हेरेका हुन् ।
यस्तै चलचित्र ‘राम कहानी’ युनिटले पनि फिल्म हेरेका छन् । निर्देशक सुदर्शन थापासहित कलाकारहरु आकाश श्रेष्ठ, केदार घिमिरे ‘माग्ने बुढा’ र पूजा शर्मा फिल्म हेर्न पुगेका थिए ।
शत्रु गतेको निर्देशन प्रदीप भट्टराईले निर्देशन गरेका हुन् । मह सञ्चारको ब्यनारमा निर्माण गरिएको चलचित्रका प्रस्तुतकर्ता किरण केसी हुन् ।
चलचित्र हेरेपछि पूर्व प्रधानमन्त्री खनालले फिल्म निकै रमाइलो बनेको बताए । उनले आफ्नो समय खेर फाले जस्तो नलागेको पनि बताए ।
भर्खरै
लोकप्रिय
