उदयपुर – उदयपुरको सिद्धिचरण लोकमार्गअन्तर्गत कटारीबाट घुर्मीका लागि छुटेको गरेको ना ६ ख ३२३१ नम्बरको तेल बोकेको ट्याङ्कर कटारी नगरपालिका–११, गहुँबारी भन्ने स्थानमा बुधबार बिहान दुर्घटना हुँदा दुईजनाको घटनास्थलमा नै मृत्यु भएको छ । अरु तीनजनाको अवस्था गम्भीर रहेको छ ।
जिल्ला प्रहरी कार्यालय, उदयपुरका अनुसार दुर्घटनामा मृत्यु हुनेमा बारा जिल्लाको अमलेखगञ्जका २३ वर्षीय चालक पूर्णप्रसाद खनाल र अर्का मकवानपुर बस्ने ३१ वर्षीय सहचालक सरोज मोक्तान रहेका छन् ।
गम्भीर घाइते हुनेहरुमा भक्तपुरका २४ वर्षीय सुवास तामाङ, बाराका १७ वर्षीय अभिषेक श्रेष्ठ र दोलखा चरिकोटका २५ वर्षीय सुजन गोले रहेको कुरा जिल्ला प्रहरी कार्यालय, उदयपुरले बताएको छ ।
अहिले इलाका प्रहरी कार्यालय, कटारीबाट प्रहरी परिचालन गरी मृतकलाई प्रहरीले कटारी अस्पतालमा झार्ने कार्य सुरु गरेको छ भने गम्भीर घाइतेहरुलाई एम्बुलेन्समार्फत काठमाडौँ पठाएको उदयपुरका प्रहरी प्रमुख नवराज भट्टले बताए ।
बिहान ४ बजे ट्याङ्कर सडकबाट अनियन्त्रित भई तल खसेको प्रहरीले बताएको छ । घटनास्थल कटारी बजारबाट २६ किलोमिटर पश्चिम उत्तरतर्फ रहेको प्रहरीले जनाएको छ ।
भर्खरै
लोकप्रिय
