बेलायतका एक व्यक्तिलाई अहिलेसम्मकै गम्भीर खालको गोनोरिया लागेको छ । उनलाई लागेको यौन रोग गोनोरियाको उपचार सामान्य रुपमा गोनोरियाको उपचारका लागि प्रयोग गरिने एन्टिबायोटिकबाट सम्भव नभएको चिकित्सकले बताएका छन् ।
उनकी प्रेमिका बेलायतमा रहे पनि दक्षिण पूर्वी एसियाकी एक महिलासँगको यौन सम्बन्धपछि उनलाई गोनोरियाको संक्रमण भएको हो । उनको संक्रमणलाई चिकित्सकले सुपर गोनोरियाको संज्ञा दिएका छन् ।
सामान्य रुपमा प्रयोग गरिने गरेको एन्टिबायोटिकका कारण गोनोरियाको संक्रमण निको नभएको यो पहिलो घटना रहेको पब्लिक हेल्थ इंग्ल्याण्डले जनाएको छ ।
स्वास्थ्य अधिकारीले संक्रमति व्यक्तिका अरु कोही यौन साथी रहे नरहेको बारे अहिले अनुसन्धान गरिरहेका छन् । गोनोरिया गम्भीर खालको रहेकाले यसको संक्रमण अरुमा फैलिए नफैलिएको थाहा पाउनका लागि यौन साथीका बारेमा खोजी भइरहेको हो ।
ती व्यक्तिको उपचारमा संलग्न डा. ग्वेन्डा ह्युजले सामान्य रुपमा प्रयोग गरिन्दै आएको एजिथ्रोमाइसिन र सिफ्ट्राइएक्सन एन्टिबायोटिकले काम नगरेको यो पहिलो पटक रहेको बताएका छन् ।
विश्व स्वास्थ्य संगठन र युरोपियन सेन्टर फर रोग नियन्त्रणसँगको परामर्शमा गोनोरियामा यस किसिमको घटना पहिलो रहेको पुष्टि भएको डा. ह्युजले बताएका छन् ।
नाइसेरिया गोनोरिया ब्याक्टेरियाका कारण लाग्ने गोनोरिया असुरक्षित यौन सम्बन्धका कारण लाग्ने सर्ने गर्दछ ।
भर्खरै
लोकप्रिय
