नेपालगञ्ज-बाँकेको विकट ठाउँ मानिने नरैनापुर गाउँपालिका–६, गंगापुरमा आयोजना गरिएको नि:शुल्क शिविरमा ६ सय ७५ जनाले सेवा लिएका छन्।
शिविरमा आँखाका समस्या भएका धेरै आएका छन्।
आँखाको उपचार गर्न आएका २ सय २५ जनामध्ये ३३ जनालाई अप्रेसन गर्नु पर्ने भएकाले नेपालगञ्ज रिफर गरिएको छ। त्यस्तै, एक सय ५५ जनाले कानको सेवा लिएका छन्। कानको गम्भीर समस्या भएका २० जनालाई नेपालगञ्ज रिफर गरिएको छ।
५० जना स्त्रीरोगीले सेवा लिएका छन्। तीमध्ये आठ जनाको पाठेघर अप्रेसन गर्नुपर्ने भएको छ।उनीहरुलाई पनि नेपालगञ्ज रिफर गरिएको छ। जिल्ला जनस्वास्थ्य कार्यालय, बाँकेले नेपालगञ्ज रिफर गरिएका सबैको निशुल्क अप्रेसन हुने जनाएको छ।
कार्यालयले विशेषज्ञ डाक्टरसहितको ३२ जनाको टीम लिएर गंगापुर पुगेको थियो।पिछडिएका समुदायमा स्वस्थ्य सेवा पुर्याउने नीति अनुरुप त्यहाँ निशुल्क शिविर आयोजना गरिएको जनस्वास्थ्य अधिकृत रामबहादुर चन्दले बताए।
फिजिसियन डा. रजनी शाह, बाल रोग विशेषज्ञ डा. रमा बोहरा, सन्तोष श्रीपालीसहितका ३२ जना शिविरमा खटिएका थिए। शिविरमा प्रयोगशाला राखेर दिसा, पिसाव, रगत जाँच गरिएको थियो। जनस्वास्थ्यले अर्को शिविर कुसुमको भवानीपुर गाउँमा १७ गते राख्ने जनाएको छ।
यसैबीच, जिल्ला जनस्वास्थ्य कार्यालय, बाँकेले गंगापुरका एक सय ३८ जना जेष्ठ नागरिकलाई सम्मान गरेको छ। उनीहरुलाई सम्मान स्वरुप एक÷एक वटा छाता र टर्चलाइन उपलब्ध गराइएको छ।
भर्खरै
लोकप्रिय
