अ
+
अ
अ
-
काठमाडौं – काठमाडौं उपत्यकासहित मध्य तथा पूर्वी क्षेत्रमा शुक्रबार दिनभर मौसम सामान्यतया बलदी हुने र पानी पर्ने सम्भावना रहेको जल तथा मौसम पूर्वानुमान महाशाखाले जनाएको छ ।
पश्चिमी वायुको प्रभावका कारण मौसम बदली तथा पानी परेको मौसमविद गंगा नगरकोटीले जानकारी दिइन् । तल्लो तहको वायुमण्डलमा बंगालको खाडीबाट आएको जलवाष्पयुक्त बादल रहेकाले पानी पर्ने उनले बताइन् ।
पश्चिमी क्षेत्रको तराईमा मौसम सफा रहे पनि पहाडी क्षेत्रमा भने आंशिक बदली हुनेछ । मध्य तथा पूर्वी क्षेत्रमा अपराहन्नपछि मेघगर्जनसहित पानी पर्ने सम्भावना छ ।
प्रि–मनसुनको समय भएकाले पानीसँगै हावाहुरी पनि चल्ने सम्भावना रहेकाले सचेत रहन मौसमविदले आग्रह गरेका छन् ।
भर्खरै
लोकप्रिय
