कोही नुहाउँदै, कोही पानी छर्किँदै

काठमाडौं – हिन्दु तथा बौद्ध धर्मावलम्बीले संयुक्त रुपमा आस्थाका साथ भर्ने बाइसधारा मेला । काठमाडौंको बालाजुस्थित बाईसधारामा शनिबार मेला लागेको हो । चैत शुक्ल पूर्णिमा लाग्ने मेलामा स्नान गर्न हिन्दु तथा बौद्ध धर्माबलम्बी पुग्ने गछन् ।

बाइसधारामा स्नान गरे मुक्तिनाथ तथा गोसाईँकुण्डमा स्नान गरे बराबरको पूण्ड प्राप्त हुने जनविश्वास रहेको छ । बिहानैदेखि बालबालिका देखि वृद्धवृद्धासम्म स्थानका लागि बाईसधारा पुगेका छन् ।

मल्लकालीन राजा जयप्रकाश मल्लले बालाजुमा २१ धारा निर्माण गराएका थिए । पछि अर्का मल्ल राजा जयस्थिति मल्लले एउटा धारा थपेर २२ बनाएककका हुन् । चैत शुक्ल पूणिर्मामा बाईसधारामा स्नान गरेमा लुतो, खटिरा जस्ता चर्म रोग हराउने विश्वास छ ।