ब्राजिलका पूर्व राष्ट्रपति लुइज इनासिओ लुला डा सिल्वाले प्रहरी समक्ष आत्मसमर्पण गरेका छन् । भ्रष्टाचार आरोपमा १२ वर्षको जेल सजाय सुनाइएका पूर्व राष्ट्रपति लुलाले शनिबार अबेर आत्मसमर्पण गरेका हुन् ।
उनले आफूमाथिको आरोप राजनीतिक रुपमा प्रेरित रहेको भन्दै त्यस विरुद्ध सर्वोच्च अदालतमा अपिल गरेका थिए । तर सर्वोच्च अदालतले सिल्वाले जेल सजाय भोग्नु पर्ने बताएको थियो ।
उनले केही हिनामिना भएको स्वीकार गरे पनि आफ्नो अपिलका चलिरहेका बेला जेल बाहिर नै रहन पाउनु पर्ने माग गरेका थिए । सिल्वाले आफूमाथि राजनीतिक प्रतिशोधले मुद्दा लगाइएको उनको दाबी छ ।
आउँदो अक्टोबरमा हुने राष्ट्रपति चुनावमा आफूलाई प्रतिस्पर्धा गर्न नदिने योजनाको हिस्सा रहेको उनको भनाई छ । सर्वेक्षणमा सिल्वा राष्ट्रपतिको सबै भन्दा बलियो उम्मेदवार रहेको देखिने गरेको छ ।
ब्राजिलका पूर्व राष्ट्रपति लुइज इनासिओ लुला डा सिल्वाले आफूमाथि लागेका आरोप राजनीतिक पूर्वाग्रहले प्रेरित रहेको बताउँदै आएका छन् । तस्बिर ; एएफपी/गेट्टी इमेज
सर्वोच्च अदालतले म्याराथन सेशनमा सिल्वाको मुद्दा हेर्दै जेल बाहिर रहन पाउनु पर्ने उनको माग खारेज गरेको थियो । ७२ वर्षका सिल्वा सन् २००३ देखि २०११ सम्म ब्राजिलको राष्ट्रपति थिए ।
सिल्वा दुई दिनसम्म आफ्नो साओ पाओलो नजिक रहेको गृह नगरमा बसे । उनका समर्थकले अदालतको फैसला विरुद्ध प्रदर्शन गरेका थिए भने विरोधीले जेल हाल्न माग गरेका थिए ।
सिल्वा शनिबार अबेर आफ्नो कार्यालयबाट बाहिर निस्किए अनि प्रहरीको कारमा चढेर गएका हुन् । उनका समर्थकले कारलाई सुरुमा जान दिएका थिएनन्, तर उनको आग्रहपछि समर्थक पछि हटेको बिबिसीले उल्लेख गरेको छ ।
यो पनि पढ्नुहोस्
भर्खरै
लोकप्रिय
