सिन्धुपाल्चोक – बहुप्रतिक्षित मेलम्ची खानेपानी आयोजनाको सुरुङ्गको औपचारिक उद्घाटन भएको छ । अम्बाथान–ग्यालथुम खण्ड सुरुङको बिहीबार उपराष्ट्रपति नन्दबहादुर पुन र खानेपानी मन्त्री बीना मगरले संयुक्त रुपमा उद्घाटन गरेका हुन् ।
यो खण्डको सुरुङ मंगलबारनै खनिसकिएको भएपनि औपचारीक उद्घाटन भने बिहिबार मात्रै भएको हो ।
सिन्धुपाल्चोकको हेलम्बु गाउँपालिका अन्तर्गत अम्बाथान मुहानबाट सुन्दरीजलसम्मको २७.५ किमी सुरुङको भुईँ ढलान, फिनिसिङ, वैकल्पिक पाइपलाइनजस्ता काम बाँकी छन्।
आयोजनाले दोस्रो चरणको तयारी समेत अगाडि बढाएको छ। याङग्री र लार्के खोलामा दैनिक १७/१७ करोड लिटर गरि ३४ करोड लिटर पानी थप गर्न डिजाइन परामर्शदाता छनोट गरि काम अगाडि बढाइएको छ। यहि आर्थिक वर्षभित्रमा डिजाइन तयार हुने र बजेट व्यवस्था भएमा आउँदो आर्थिक वर्षदेखि निर्माण सुरु गर्ने आयोजना प्रमुखले बताए।
सन् २०१० को जुन महिनाबाट निर्माण सुरु भएपनि काम सुस्त भएपछि ३ वर्षको अवधिमा जम्मा ६.५ किलोमिटर मात्रै सुरुङ खनेपछि २०१२ मा यो निर्माण कम्पनीसँगको सम्झौता रद्द गरिएको थियो। चिनियाँ ठेकेदार चाइना रेल्वेसँगको सम्झौता तोडेपछि इटालियन कम्पनीलाई निर्माणको जिम्मा दिइएको थियो । आयोजनाको कूल लागत २७ अर्ब ७६ करोड रहेछ। जसमध्ये ८० प्रतिशत एसियाली विकास बैंक र २० प्रतिशत नेपाल सरकारकोे लगानी छ ।
२०५५ सालमा मेलम्ची खानेपानी विकास समिति स्थापना गरेर आयोजनाको बिस्तृत अध्ययन सुरु भएको थियो ।
यो पनि पढ्नुहोस्
भर्खरै
लोकप्रिय
